Qui a matat Francés Canat ?

Una mòstra interactiva d'un genre novèl, qu'estrena un biais original d'encapar la ficcion policièra.
A la frontièra entre la literatura, la benda dessenhada e lo jòc vidèo, l'exposicion es facha primièr pel public de las bibliotècas, mediatècas, salons e festenals.
Lo visitaire consent es embauchat en qualitat d'inspector estagiari, amb per mission de resòlver l'enquèsta, en seguida del murtre del 26 carrièra Escorsièra.
Armat d'un terminal mobil, recep d'instruccions de Serafin Naudèl, son superior, e de sos collègas del comissariat per menar a bona fin la sieuna mission.
Al 26 carrièra Escorsièra, un jovent es retrobat defenestrat lo matin, d'ora. Los cinc estatjants de l'immòble, de la consèrja a la vielhòta, del coble perfièch al vesin d'estança, degun vegèt pas res.
Suicidi, murtre, de qué s'es passat ?
Sostant l'inspector Naudèl dins son enquèsta, lo visitaire deurà consultar lo rapòrt del medecin legista, interrogar los suspèctes, espepissar lo lotjament de la victima...
Los panèls de la mòstra representan los luòcs d'investigacion entre los quals l'estagiari se deu passejar.
Provesit d'una tauleta, lo visitaire percor los panèls e gràcias a maites procediments interactius (panèls/aplicacions), reconstituís las pèças del copacap.
L'interfàcia de l'aplicacion dona accès a una « bóstia d'espleches » que compren telefonet, mail, SMS, servidor d'archius, aparelh de fòtos.
Los contenguts àudio, tèxtes e vidèos menaràn lo visitaire fins a la resolucion de l'enigma e l'identificacion del colpable.
Escan dels marcaires integrats, per l'aviada de las accions e l'avançament del debanament de la ficcion.
Intervencion de la còla del comissariat per telefòn, mail o SMS per guidar lo visitaire.
Recèrca tactila dels indicis sus la tauleta.
Aparicion dels personatges en realitat aumentada suls panèls, via la tauleta.
Consultacion dels contenguts (vidèo, rapòrts eca.) dins un dorsièr « archius »
Foncion d'ajuda per sonada telefonica al brigadièr en carga de l'acuèlh. Show More